Гамяльчанцы, у якой усё ў сям'і добра, прыгразілі ўлікам за тое, што яна не працуе з 18 мая
У лісце, які атрымала ад загадчыка садка №160 Савецкага раёна гамяльчанка Наталля, напісана, што жыллёва-бытавыя ўмовы, у якіх выхоўваецца яе дзіця, нармальныя, але, паколькі маці не працаўладкаваная з 18 мая 2018 года, дзіця знаходзіцца ў экстрэмальнай жыццёвай сітуацыі.
Чыноўнікі паведамляюць гамяльчанцы, што, «пры правядзенні сацыяльнага расследавання», імі быў выяўлены крытэрый сацыяльна-небяспечнага становішча, у якім нібыта знаходзіцца дзіця: маці не працаўладкаваная з 18 мая 2018 года. Паколькі ліст датаваны 5 чэрвеня, фактычна, дзяржава сабралася ўзяць на кантроль маці, якая не працавала на той момант усяго крыху больш за два тыдні.
«Непаўналетняя знаходзіцца ў неспрыяльных умовах, экстрэмальнай жыццёвай сітуацыі», — строга заўважаюць чыноўнікі.
Разам з тым, звяртае на сябе ўвагу той факт, што, у прынцыпе, ва ўсім, што тычыцца выхавання дзіцяці, справы ў Наталлі ідуць амаль ідэальна, і гэта таксама зафіксавана ў лісце.
Каментары