У кватэры кіраўніка інфармацыйнай кампаніі БелаПАН Алеся Ліпая — ператрус
Следчыя дзеянні праводзіць Дэпартамент фінансавых расследаванняў Камітэта дзяржаўнага кантролю.
Канкрэтныя абвінавачанні ў адрас кіраўніка інфармацыйнага агенцтва пакуль невядома, бо ў кватэру нікога з калег не пусцілі.
Прыехалі следчыя, з сабой прывезлі ксеракс, з якім і падняліся ў кватэру да Ліпая.
Адметна, што сілавікі прыйшлі з ператрусам у кватэру, якая фармальна належыць не Алесю Ліпаю, а яго сыну.
Ліпай адразу ж звязаўся з праваабаронцам Алесем Бяляцкім і да яго прыходу не адмыкаў дзвярэй.
Да дома, дзе жыве Ліпай, прыехалі праваабаронцы Алесь Бяляцкі, Валянцін Стэфановіч і Тацяна Равяка, а таксама кіраўнікі Беларускай асацыяцыі журналістаў — Андрэй Бастунец і Барыс Гарэцкі. Ліпай прасіў, каб панятым быў хтосьці з іх, але супрацоўнікі ДФР гэтага не дазволілі. Не пусцілі ў кватэру і адваката. У якасці панятых следчыя запрасілі работнікаў жыллёва-камунальнай службы.
Ператрус пачаўся а 7-й раніцы і праходзіць у рамках крымінальнай справы. Якой — пакуль не паведамляецца.
Тэлефон самога Ліпая адключаны. А 14.30 Ліпая павезлі ў Дэпартамент фінансавых расследаванняў.
БелаПАН — адзінае ў краіне незалежнае інфармацыйнае агенцтва. БелаПАН быў таксама генеральным спонсарам канцэрта на Дзень Волі ў 2018 годзе.
52-гадовы Алесь Ліпай вядомы таксама як аўтар некалькіх зборнікаў паэзіі і чалавек вялікай мужнасці. У чэрвені 1996 года, падчас аперацыі па вызваленні дзяцей, узятых у закладнікі тэрарыстам у дзіцячым садку ў Мінску, браў інтэрв'ю ў тэрарыста, адцягваючы тым самым ягоную ўвагу на сябе. Ліпай стварыў БелаПАН яшчэ ў 1991 годзе і нязменна ім кіраваў.
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам21
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары