У МЗС распавялі, чаму перамовы пра спрашчэнне візавых працэдур з ЕС зацягнуліся
Беларусь працягне працу з партнёрамі з ЕС для спрашчэння ўзаемных паездак. Пра гэта паведаміў журналістам начальнік упраўлення інфармацыі і лічбавай дыпламатыі — прэс-сакратар МЗС Беларусі Анатоль Глаз.
Як адзначыў Анатоль Глаз, Беларусь не першы год вядзе працу па заключэнні пагаднення пра спрашчэнне візавых працэдур з ЕС. Праектам гэтага дакумента прадугледжваецца зніжэнне кошту шэнгенскіх віз да 35 еўра, выдача бясплатных віз асобным катэгорыям грамадзян (удзельнікам культурных, навуковых, гуманітарных праграм), агулам спрошчаны парадак падачы дакументаў. Аднак, паводле слоў Анатоля Глаза, перамоўны працэс сапраўды зацягнуўся.
«Нашы партнёры выказалі шэраг патрабаванняў, якіх няма ў аналагічных пагадненнях ЕС, напрыклад, з Арменіяй або Азербайджанам. У прыватнасці, пра неабходнасць падачы дакументаў выключна праз візавыя цэнтры, што, вядома, прывядзе да падаражання візавых працэдур», — сказаў ён.
Каментары