«Ювэнтус» выйграў у гасьцях, а «Рэал» сёньня наведае Краіну Баскаў.
У сераду ў Эўропе прайшлі туры нацыянальных чэмпіянатаў.
У чэмпіянаце Расеі былі згуляныя два прапушчаныя матчы ранейшых тураў. У адным зь іх піцерскі «Зэніт» згуляў на сваім полі ўнічыю з «Сатурнам» — 2:2. Гэта ўжо чацьвертая запар нічыя «газпромаўцаў»
Па мячы на свой рахунак запісалі Віктар Файзулін жы турэцкі легіянер Фаціх Тэке. Акурат турак і забіў БАТЭ 21 кастрычніка.
За чатыры туры да фінішу «Зэніт» займае ў турнірнай табліцы пяты радок (40 балаў). Столькі ж у маскоўскага «Спартака», што займае шостае месца.
Першым ідзе «Рубін» (57 балаў), у ЦСКА — 50, маскоўскага «Дынама» — 44, «Амкара» — 41.
1 лістапада — за чатыры дні да гульні з БАТЭ — «Зэніт» згуляе ў Пецярбургу з «Хімкамі»,якія зараз займаюць 14‑е месца і працягваюць змагацца за права захаваць месца ў расейскай прэм’ер‑лізе.
***
Турынскі «Ювэнтус» учора выйграў у гасьцях у «Балоньі» зь лікам 2:1. Двойчы вызначыўся чэскі паўабаронца Павал Недвед.
Пасьля дзевяці тураў «Ювэ» займае дзявяты радок з 15 пунктамі (чатыры перамогі, тры нічыі, дзьве паразы, розьніца мячоў 9 ‑‑7). Столькі ж — 15 балаў — у сіцылійскай «Катаньі».
Уверсе разьмясьціліся: «Удынэзэ», «Напалі» — па 20, «Мілян» — 19, «Інтэр» — 18, «Фіярэнціна» — 17, «Лацыё», «Джэноа» — па 16.
1 лістапада «Старая Сэньёра» згуляе дома з «Ромай».Матч «Рома» — «Сампдорыя» быў учора спынены на 6-й хвіліне з‑за моцнай залевы і перанесены на нявызначаны час.
***
Мадрыдзкі «Рэал» — яшчэ адзін супернік БАТЭ — сёньня правядзе ў гасьцях матч Кубку Гішпаніі з клюбам «Рэал Уніён» з Краіны Баскаў. «Рэал Уніён» займае першы радок у 1‑й групы «Сэгунды B» — гэта каманда трэцяга дывізіёну гішпанскага футболу.
Цяпер чытаюць
У Мінску ўсё ж назвалі прыпынкі ў гонар «паляка-рэваншыста» і «русафоба», супраць якіх марна ваявала Бондарава1
Каментары