Штучны інтэлект навучыўся ацэньваць поспех фільма ў пракаце
Кампанія ScriptBook распрацавала адмысловую праграму, якая дазволіць студыям дакладней ацэньваць рызыкі ў пракаце. Па словах заснавальніцы кампаніі Надзіры Азермай, калі б Sony дазволіла алгарытму выбраць, якія праекты запускаць, а якія не, студыя магла б зэканоміць у перыяд з 2015-га па 2017-ы вялікія грошы.
У рамках прэзентацыі на міжнародным кінафестывалі ў Карлавых Варах Азермай распавяла, што алгарытм ScriptBook прааналізаваў сцэнары Sony за пэўны перыяд. Не звяртаючы ўвагі на паказчыкі ў пракаце, праграма змагла вылучыць 22 праекты, з-за якіх студыя пацярпела фінансавыя страты. Усяго ў гэты перыяд Sony выпусціла 62 фільма і 32 з іх не акупіліся ў пракаце.
Сістэма працуе дастаткова проста: карыстальнік загружае файл сцэнарыя ў фармаце PDF і чакае пяць хвілін. На выхадзе ён атрымлівае дэталёвы аналіз, што ацэньвае узроставы рэйтынг, персанажаў і іх эмоцыі, герояў і зладзеяў і прадказвае мэтавую аўдыторыю, у тым ліку пол, узрост і расу магчымага гледача. У дадатку да ўсяго, праграма паказвае, як праект будзе паводзіць сябе ў пракаце.
Па словах аднаго з распрацоўшчыкаў, унутраная база, з дапамогай якой навучаецца штучны інтэлект, складаецца з 6 500 існуючых сцэнарыяў.
Сістэма, вядома, пакуль працуе не ідэальна, і выдае дакладны вынік у 84% выпадкаў.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары