Як мінімум 14 пасажыраў аўтобуса пацярпелі, некаторыя сур'ёзна, у выніку нападу чалавека з нажом у нямецкім горадзе Любек.
Раней паліцыя зямлі Шлезвіг-Гальштэйн, дзе знаходзіцца горад, паведаміла ў твітары пра сур'ёзнае здарэнне ў горадзе.
«Мы вывучаем сітуацыю і дамо інфармацыю пазней», — паведаміла паліцыя.
Прадстаўнік паліцыі паведаміў агенцтву DPA, што загінулых дакладна няма. Паводле інфармацыі мясцовай тэлекампаніі NDR, якая спасылаецца на атрыманую з паліцыі інфармацыю, нейкі мужчына зайшоў у перапоўнены аўтобус і пачаў нападаць на людзей з нажом.
Аўтобус накіроўваўся ў Травэмюндэ, дзе знаходзіцца папулярны пляж. Відавочца інцыдэнту расказаў, што мужчына быў узброены кухонным нажом, і людзі пачалі з крыкамі выскокваць з аўтобуса, калі пачалася панажоўшчына. Паведамляецца, што нападнік быў арыштаваны.
Іна Кулей: Мілінкевіч перамог смерць, але шлях да поўнага адужання няблізкі4
Каментары