Паўабаронца дортмундскай «Барусіі» Крысціян Пулішыч быў прызнаны найлепшым гульцом матчу з «Ліверпулем» у рамках Міжнароднага кубка чэмпіёнаў (МКЧ), аднак не змог атрымаць прыз. Пра гэта паведамляе Independent.
Хаўбэк выйшаў на поле ў другім тайме матча і зраўняў лік з пенальці на 66-й хвіліне, затым вывеў немцаў наперад на 89-й пасля контратакі, а ў дадатковы час нанёс удар, на дабіванні з якога забіў Якаб Бруна Ларсен.
Нягледзячы на гэта, арганізатары МКЧ далі прыз найлепшага гульца матча іншаму футбалісту — абаронцу «Ліверпуля» Вірджылу ван Дэйку. Гэта здарылася праз тое, што трафей спансаваў бровар Heineken. Пулішычу 19 гадоў, па законе ён не можа купляць алкаголь і асацыявацца з вытворцамі напояў.
«Барусія» атрымала перамогу над «Ліверпулем» з лікам 3:1.
Пулішыч выступае за нямецкі клуб з 2016 года. 14 верасня таго ж года хаўбек дэбютаваў у Лізе чэмпіёнаў супраць польскай «Легіі» і стаў самым маладым гульцом «Барусіі», якія выходзілі ў матчы гэтага турніру.
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads12
Каментары