Пальчыс развёў «Нязыгара»: напісаў ім поўную ахінею, а яны надрукавалі без праверкі
Расійскі інсайдарскі тэлеграм-канал «Нязыгар» ужо колькі тыдняў актыўна піша на тэму Беларусі. Шмат хто заўважыў, што чым далей, тым больш недарэчнымі становяцца іх паведамленні.
Напрыклад, учора на канале з аўдыторыяй больш за 160 тысяч чалавек з'явілася інфа пра таемныя дамоўленасці міністра замежных справаў Уладзіміра Макея і старшыні КХП-БНФ Зянона Пазняка. Аказалася, што гэты шэдэўр у жанры фэнтэзі належыць рэдактару сайта 1863x Эдуарду Пальчысу.
«Адзін з чытачоў 1863x падказаў, што ў іх ёсць пошта, куды можна пісаць. Цэлы месяц мы назіраем розныя допісы пра Беларусь. Калі пайшла адкрытая лухта, то з’явілася жаданне іх развесці. Сэнс у тым, каб даказаць, што форма інсайдаў, хай яна такая чароўная і загадкавая, а на справе посціцца любое трызненне. Галоўнае — пераканаўча падаць», — расказаў «НН» Пальчыс.
«Я ўчора цягам дзесяці хвілін напісаў два лісты ў «Незыгар», яны не правяралі нічога, не праводзілі ніякага фактчэкінгу, не думалі тыдзень. У той самы дзень усё запосцілі! Ім можна пісаць любую ахінею — і яны будуць гэта посціць.
Праблема ў тым, што многія беларусы чытаюць менавіта расійскія прапагандысцкія медыя. Я даўно кажу, што лепш чытаць «Нашу Ніву» і Тут.бай, каб не падстаўляцца пад інфармацыйныя атакі. Цяпер мы перажываем чарговую інфармацыйную атаку. І найлепшы выхад — не чытаць гэтага ўсяго. Выпадак пра «інсульт» Лукашэнкі з той самай оперы.
Мне здаецца, што ім настолькі пофіг, што ў найлепшым выпадку яны могуць проста выдаліць гэтую інфармацыю. У іх проста ёсць замова пісаць пра Беларусь і яны будуць пісаць далей лухту.
Я спецыяльна рабіў такое шоу. Бо кожны чалавек, які хаця б пару гадоў чытае навіны пра Беларусь, разумее, што гэта поўнае абы-што. Я паспрабаваў проста дзеля прыкола, але яны гатовыя ставіць любую чухню», — расказаў блогер.
-
Мінэнерга пра сітуацыю з асвятленнем: Усё будзе рэгулявацца ў залежнасці ад мясцовасці
-
Як дзяржава прадала непатрэбную лазню за 29 рублёў, а пасля забрала і лазню, і шалёную няўстойку
-
«Бацька правільна зрабіў, цяпер больш праведнасці», «Фоты вырваныя з кантэксту». Як прапаганда апраўдвае адключэнне святла на вуліцах
Цяпер чытаюць
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й13
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары