Беларусам, якія жывуць у Варшаве, пачалі прыходзяць дзіўныя прапановы ад чалавека, які называе сябе Андрэем Масляковым. Ён прадстаўляецца сябрам ГА «Беларускі рэспубліканскі саюз моладзі» і прапануе падпрацоўку, піша Еўрарадыё.
«Мы хочам стварыць ячэйку БРСМ у Варшаве, і нам патрэбныя надзейныя людзі. Сутнасць простая: ладзіць розныя мітынгі, падтрымліваць Бацьку, пісаць розныя посты, ну і прасоўваць эканамічную мадэль у Польшчы праз людзей, з якімі мы вас пазнаёмім».
За гэта Андрэй Маслякоў абяцае гарантаваны заробак у 200 рублёў за месяц і прэмію.
Хто ён такі?
Профіль Маслякова «ВКонтакте» даволі дзіўны. Ён паведамляе пра сябе, што нарадзіўся 10 жніўня 1978 года ў Слуцку. У сябрах у яго супрацоўнік Радыё «Свабода» Франак Вячорка, актывіст руха «За Свабоду!» Павел Батуеў, колішні сябар крыла АГП «Маладыя дэмакраты», а цяпер варшаўскі студэнт Даніла Барысевіч. Але статус «Нет фашизму в Белоруссии! Слава Лукашенко! Жыви союз с Россией!» [арфаграфія захаваная. — Еўрарадыё] выключае магчымасць сяброўства са згаданымі асобамі.
На старонцы ёсць некалькі фотаздымкаў са сцягамі БРСМ, з беларускай дзяржаўнай сімволікай. На адзін з іх Маслякоў відавочна прыфаташопіў свой твар! Паглядзіце, што атрымалася:
Андрэй Маслякоў піша пра сябе, што з’яўляецца сакратаром ячэйкі БРСМ у пасёлку Акцябрскі. Тым самым, дзе нарадзілася Ксенія Дзягелька, аўтарка хіта «Мы из деревни». У размове з Еўрарадыё мужчына пацвярджае, што прадстаўляе Акцябрскі БРСМ.
Але сапраўдная сакратарка ячэйкі БРСМ у пасёлку Акцябрскі расчароўвае Еўрарадыё: пра Андрэя Маслякова яна ніколі не чула:
«У нас няма такога Андрэя Маслякова. Сакратарка — гэта я. І спецыяліст яшчэ. І усё. У нас такіх людзей няма ні ў штаце, ні ў рэзерве».
Грамадскі актывіст Андрэй Павук, які жыве ў Акцябрскім, прыгадвае, што ўжо сутыкаўся з Масляковым:
«Ён дакладна не з нашага мястэчка, проста выбраў яркі маяк. Троліў, БРСМ абагаўляў. І, здаецца, сцвярджаў, што гэта ён прадзюсар Дзягелька».
Ячэйка БРСМ у Варшаве — «гэта эксперымент»
Маслякоў нечакана пацвярджае Еўрарадыё і тое, што неўзабаве будзе створаная суполка БРСМ у Варшаве:
«Пакуль гэта сакрэт, толькі асаблівыя людзі пра гэта ведаюць. Хто вам сказаў? Пакуль не можам распавесці, гэта эксперымент».
На гэтым перапіска перарываецца.
«Калаўра мы не пакрыўдзілі»: стала вядома пра новае месца працы былога старшыні Нацбанка3
Каментары