Глеб забіў, але БАТЭ ўсё адно саступіў галандскаму ПСВ — ВІДЭА пяці галоў
Барысаўскі БАТЭ яшчэ тыдзень таму забяспечыў сабе выхад у групавы этап еўракубкаў. Пытанне было толькі куды: у Лігу чэмпіёнаў, ці Лігу Еўропы? Каб трапіць у групу ЛЧ чэмпіёну Беларусі трэба было перамагаць галандскі ПСВ з Эйндховена.
На жаль, трыбуны «Барысаў-Арэны» не запоўніліся цалкам. Цяжка сказаць, што стала таму прычынай: позні пачатак гульні, немалыя цэны на білеты ці малы прамежак часу па продажы, але трыбуны ззялі пустымі месцамі.
Цікавы факт, што БАТЭ яшчэ ніводнага разу не саступаў у стадыі плэй-оф Лігі чэмпіёнаў. І заўсёды, калі даходзіў да гэтай стадыі, то прабіваўся ў асноўны этап Лігі чэмпіёнаў.
БАТЭ здзівіў тым, што ў аснове нападнікам выйшаў фін Ясэ Туомінен. Але менавіта ён стаў аўтарам гола ўжо на дзявятай хвіліне гульні, пасля прастрэла Філіпавіча.
У цэнтры абароны БАТЭ гулялі Ягор Філіпенка і Неманья Мілунавіч. І гэта было самым слабым звяном беларусаў. Яны вельмі шмат абразаліся і прывозілі моманты да сваіх варот. Для Мілунавіча гэта быў першым матчам пасля траўмы.
Пры ўсім пры гэтым БАТЭ мог рабіць лік большым, яшчэ ў першым тайме, але пры канчатковай стадыі не хапала дакладнасці, але ратаваў брамнік.
Бяда прыйшла на 35-й хвіліне, калі рукой у штрафной згуляў Мілунавіч, нямецкі арбітр указаў на кропку. Уругваец Гастон Перэйра ўдарыў не дужа добра, але Шчарбіцкі не змог адбіць удар — 1:1.
Шчарбіцкі быў адным з найлепшых гульцоў матча, колькі разоў ён ратаваў каманду ў безнадзейных сітуацыях.
У другім тайме ПСВ наперад вывеў мексіканец Ласана, які більярдна трапіў у далёкі кут. Здавалася, што БАТЭ ўжо не адгуляцца.
Аднак адзначыцца здолеў не абы-хто, а Аляксандр Глеб, які падпільнаваў адскок на мяжы штрафной — 2:2. Праўда, шчасце не было доўгім, ужо ў наступнай атацы галандцы ўсё ж вырвалі перамогу, адзначыўся Даніэль Мален — 2:3. І зноў не абышлося без памылкі Мілунавіча.
Гульня ў адказ пройдзе праз тыдзень у Эйндховене. Нават у выпадку паразы БАТЭ трапіць у групавы этап Лігі Еўропы.
Цяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам3
Каментары