17 верасня ў судзе Веткаўскага раёна вынеслі прысуд па факце разбойнага нападу на пенсіянерку ў Свяцілавічах, паведамляе УУС Гомельскага аблвыканкама.
Перад судом паўсталі чатыры чалавекі: тры мужчыны і адна жанчына. Бабуля, якая стала ахвярай, да суда не дажыла. Замест яе на судзе прысутнічала яе стрыечная сястра.
Летась у лістападзе расіяне прыехалі ў Свяцілавічы на машыне, якую нядаўна купілі. Там яны трапілі ў хату мясцовай жыхаркі, збілі яе, звязалі скотчам, забралі 500 рублёў і схаваліся. Машыну кінулі ў лесе, а потым на іншым аўто з'ехалі спачатку ў Гомель, а затым за межы Беларусі.
Акрамя артыкула за разбой, нападнікаў абвінавачвалі ў пакіданні ахвяры ў небяспецы. Пажылая жанчына правяла цэлую ноч звязанай, пакуль яе не знайшла суседка. Тэмпература паветра тады была ўсяго каля +7°С.
Следчыя высветлілі, што нападнікаў было чацвёра, з іх трое былі грамадзянамі Расіі. Іх затрымлівалі з АМАПам.
Двух грамадзян Расіі прысудзілі да 9 гадоў калоніі. Жанчыну-расіянку і беларуса прызналі вінаватымі ў хаўрусніцтве. Іх прысудзілі да 2 і 2,5 года пазбаўлення волі.
Цяпер чытаюць
Ігар Тур з жонкай пасяліўся ў лукашэнкаўскім эксперыментальным пасёлку. Каб метр яму абышоўся танней, усе камунікацыі аплацілі з бюджэту9
Каментары