Сапраўднае імя Руслана Башырава, які абвінавачваецца ў замаху на Скрыпалёў, — Анатоль Чапіга. Пра гэта гаворыцца ў трэцяй частцы расследавання Bellingcat і The Insider.
Паводле расследавання, Анатоль Чапіга нарадзіўся ў Амурскай вобласці. Ён скончыў Далёкаўсходняе вышэйшае агульнавайсковае каманднае вучылішча і трапіў на службу ў 14-ю брыгаду спецназа ГРУ. Чапіга тройчы быў у камандзіроўцы ў Чачні; у 2014 годзе Пуцін прысвоіў яму званне Героя Расіі.
Паведамляецца, што гэтае званне яму далі за ўдзел у нейкай «міратворчай місіі». Пад «міратворчай місіяй» маецца на ўвазе, хутчэй за ўсё, уварванне ва Украіну (ваенная аперацыя Расіі ў Сірыі тады яшчэ не пачалася) — і сапраўды, падраздзяленне Чапігі было заўважана побач з мяжой Украіны ў канцы 2014 года. Аднак якія подзвігі здзяйсняў гэты «Герой Расіі», пакуль незразумела.
Цяпер чытаюць
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары