Галоўны рэдактар Tut.by: Асабіста мяне ніхто не вербаваў
Галоўны рэдактар Tut.by Марына Золатава напісала ў сваім фэйсбуку пра «справу БелТА» і «вярбоўку».
7 жніўня ў маім жыцці і ў жыцці маіх калегаў змянілася многае. Вучымся жыць, працаваць і мець зносіны ў новым статусе — статусе падазраваных. А зараз раптам нечакана дадаецца статус «завербаваных». Таму што калі ты не прызнаўся, што завербаваны, значыць, ты завербаваны.
Цалкам дакладна магу сказаць: асабіста мяне ніхто не вербаваў. І не спрабаваў, дарэчы. Тое ж кажуць і ўсе мае калегі ў рэдакцыі. Дзіма выступіў. Ён зрабіў усё правільна.
І яшчэ. Многія чамусьці лічаць, што «справа БелТА» ўжо скончана. А яна яшчэ толькі пачалася. І чым і калі скончыцца — зусім незразумела.
Каментары