У Мінску злодзей спрабаваў абакрасці кватэру ў прысутнасці гаспадара. Усё скончылася, як у добрым амерыканскім баевіку
Здарэнне адбылося на вуліцы Алібегава вечарам у пятніцу, паведамляе прэс-служба сталічнай міліцыі.
Супрацоўнікі міліцыі на гэтай вуліцы праводзілі рэйд, скіраваны на затрыманне асоб, што маюць дачыненне да незаконнага абароту наркотыкаў. Раптам яны пачулі крык мужчыны, які клікаў на дапамогу, а праз нейкі час каля жылога дома ўбачылі двух мужчын. Адзін з іх уцякаў, другі спрабаваў яго затрымаць, хапаючы за рукі. Міліцыянты і затрымалі злодзея.
Так, пацярпелы распавёў, што ў сваёй кватэры карміў сына на кухні, калі пачуў дзіўныя гукі ў вітальні. Пайшоў праверыць, што робіцца, і ўбачыў невядомага мужчыну, які шукаў нешта ў яго сумцы. Убачыўшы гаспадара, зламыснік кінуўся бегчы. Мужчына не разгубіўся і кінуўся следам.
Выявілася, што злачынца — 32-гадовы мінчук, што раней прыцягваўся да крымінальнай адказнасці за незаконны абарот наркатычных сродкаў і крадзяжы.
Стала вядома, дзе працуе фаварытка Лукашэнкі Уладлена Зайцава19
Каментары