Інцыдэнт адбыўся ў аўтобусе №5. Неспакойным пасажырам аказаўся 52-гадовы гараджанін, пішуць «Прынёманскія весці».
Нецвярозы мужчына заснуў у аўтобусе і прачнуўся толькі тады, калі кантралёр папрасіла ў яго талончык. Мужчына працягнуў тыя, што былі ў кішэні, але патрэбнага сярод іх не знайшлося.
Кіроўца ўбачыў, што кантралёр ужо некаторы час не адыходзіць ад аднаго з пасажыраў, таму на прыпынках адкрываў толькі тыя дзверы, якія былі далей ад безбілетніка.
Раптам мужчына ўдарыў кантралёра нагой вышэй сцягна. Абураная жанчына накіравалася да кабіны кіроўцы. Безбілетны пасажыр, патрабуючы выпусціць яго з аўтобуса, ішоў за ёй. Па дарозе ён паспеў яшчэ некалькі разоў ударыць жанчыну ў плячо, а потым схапіў яе за вопратку і стаў штурхаць у бок, вызваляючы сабе дарогу да пярэдніх дзвярэй.
У канфлікт умяшаўся кіроўца. Ён запатрабаваў, каб мужчына супакоіўся. Праз пару хвілін прыехала міліцыя і павезла агрэсіўнага пасажыра ў аддзел для разбіральніцтва. Штраф за безбілетны праезд ён заплаціў.
А пасля суда — яшчэ больш за 1700 рублёў за гвалт у дачыненні да службовай асобы. Віну мужчына прызнаў.
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads13
Каментары