Беларускі інтэрнэт зацята абмяркоўвае скандальнае відэа, зробленае, як можна меркаваць, у гімназіі №31 Мінска.
На ім выразна чуваць, як завуч у самых красамоўных фармулёўках распінаецца перад школьнікамі, агітуючы ўступаць у БРСМ.
Тыя не пагаджаюцца, і «Ганна Мікалаеўна» ідзе на розныя хітрыкі: то спрабуе расчуліць падлеткаў напамінам, што яе будуць гэтак сама паласкаць за невыкананне «100%» плана, то спрабуе абудзіць іх грамадзянскую годнасць — «гэта антысаветчына нейкая!».
А што кажуць у БРСМ?
Пакуль што ні прэс-служба, ні кіраўніцтва арганізацыі для каментароў недаступныя.
Але адзін з раённых сакратароў, задзейнічаных у Мінску, на ўмовах ананімнасці — пакуль не ўзгодненая афіцыяльная пазіцыя — паспрабаваў патлумачыць нам, што адбываецца на відэа.
З ягоных словаў, відэа, найхутчэй, сапраўднае, але старое.
«У Мінску з 2017 года ўжо няма папяровых білетаў, пра якія там гавораць, у якіх трэба распісвацца. Такія ўжо не выдаюць, у нас пластыкавыя карткі, у якіх і фота не ўклейваецца — яно дасылаецца ў электронным выглядзе. Як правіла, гэта проста фота з сацыяльных сетак з ясна адрозным тварам», — сказаў раённы сакратар.
Таксама мы звязаліся з адной з настаўніц, якая згадваецца на відэа.
Яна не гатовая абмяркоўваць сітуацыю, але сказала, што ў гімназіі №31 больш не працуе.
* * *
Раней кіраўнік БРСМ Дзмітрый Варанюк расказваў «Нашай Ніве» пра прымусовае сяброўства ў арганізацыі.
НН: Звыклая прэтэнзія да БРСМ — што туды заганяюць аўтаматычна і пад пагрозай нейкіх санкцый.
ДВ: Абсалютна нязгодны! Такое мо і было некалі. А цяпер я прашу, заклікаю: калі ёсць такія факты — паведамляйце нам. Мы сёння проста расказваем аб арганізацыі, а не заганяем. Можа, нейкі педагог-арганізатар выступае і кажа: маўляў, вось вы паступіце, і вам інтэрнат тады дадуць… Не БРСМ дае, а актыўная работа! Актыўная праца ў жыцці ўнівера можа прынесці плён у выглядзе прыярытэтнага выдзялення інтэрната. Калі ты ўступаеш у БРСМ, то гэта перадусім кам’юніці: ты актыўны, табе неабыякава. Таму аўтаматычнае масавае ўключэнне ў арганізацыю — гэта выключана, такога не павінна быць, я катэгарычна супраць. Бо якая тады будзе якасць кадраў?
Цяпер чытаюць
Лосік расказаў, як Бабарыку катавалі ў наваполацкай калоніі11
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х88
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х8
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары