Следчы камітэт завяршыў расследаванне па крымінальнай справе ў дачыненні да 29-гадовага жыхара Вілейкі. Яго абвінавачваюць па некалькіх артыкулах Крымінальнага кодэкса, паведамляе СК.
Абвінавачаны быў затрыманы ў маі.
Зазначаецца, што мужчына, выкарыстоўваючы адмысловае абсталяванне, вырошчваў каноплі на прысядзібным участку і высушваў расліны для наркасыравіны з мэтай збыту.
У доме, гаражы і іншых месцах былі выяўленыя розныя матэрыялы, прадметы і прыстасаванні для вырошчвання, фасоўкі забароненых рэчываў. Канфіскавалі каля чатырох кілаграмаў марыхуаны, а таксама макавую саломку, гашышны алей, якія змяшчаюць асабліва небяспечныя псіхатропныя рэчывы грыбы і альфа-PVP.
Следства выявіла іншыя факты супрацьпраўных дзеянняў затрыманага.
Так, падлеткам, якія прыходзілі да яго ў госці, неаднаразова прапаноўваў спіртныя напоі і наркатычныя сродкі. Ён схіліў іх да сістэматычнага ўжывання марыхуаны.
Ведаючы аб 15-гадовым узросце дзвюх мясцовых жыхарак і грэбуючы іх палавой свабодай і недатыкальнасцю, уступаў з імі па ўзаемнай згодзе ў палавыя зносіны.
Справа перададзена ў суд.
Каментары