Міністр замежных спраў Літвы Вігаўдас Ушацкас прадставіў у камітэце замежных спраў літоўскага Сойма план дзеянняў па спрашчэнні візавага рэжыму з суседнімі краінамі.
Міністр замежных спраў Літвы Вігаўдас Ушацкас прадставіў у камітэце замежных спраў літоўскага Сойма план дзеянняў па спрашчэнні візавага рэжыму з суседнімі краінамі.
Паводле спадара Ушацкаса, спрошчаны візавы рэжым дапаможа Літве шчыльней супрацоўнічаць з суседзямі ў сферах бізнэсу, культуры і турызму, стане стымулам да ўмацавання непасрэдных сувязяў паміж насельніцтвам.
Міністр адзначыў, што найперш Літва мяркуе завяршыць перамовы з Беларуссю і Расіяй і падпісаць пагадненні аб парадку ўзаемных паездак жыхароў памежных тэрыторый.Гэта дапаможа грамадзянам, якія жывуць на адлегласці 30—50 км ад мяжы, уяжджаць у памежны раён суседняй краіны без візаў па спецыяльных дазволах. Гэтыя пагадненні дадуць магчымасьць жыхарам суседніх краінаў вальней наведваць Вільню, Друскенікі і іншыя памежныя гарады.
Таксама з дапамогай палітыкі Усходняга партнерства ЕС, якая цяпер распрацоўваецца, Літва мяркуе дамагацца падтрымкі краінаў ЕС у спрашчэньні візавага рэжыму для грамадзянаў Беларусі. Літва мяркуе прапанаваць ЕС вызначыць для грамадзянаў Беларусі ўмовы для выдачы візаў, аналягічныя тым, якія дзейнічаюць у стасунках з Расеяй, Украінай і Малдовай, а таксама будуць уведзеныя ў стасунках з Грузіяй. Гэта азначае, што кошт візаў можа зьменшыцца з 60 да 35 еўра.
Цяпер чытаюць
Бяспалаў намаляваў людзей са сцягамі ў цэнтры Мінска і адправіў фота ў міліцыю. З’ехаліся тры машыны з мігалкамі39
Каментары