Расеец Віталь Калоеў, які страціў усю сям'ю ў авіякатастрофе над Бодэнскім возерам у 2002 годзе і забіў швейцарскага авіядыспетчара, зноў стаў бацькам, паведамляюць расійскія СМІ. У яго нарадзіліся двайняты, сын і дачка.
У 2013-м Віталь другі раз стварыў сям'ю. Яго абранніцай стала Ірына Дзарасава, якая працавала інжынерам. Яна маладзейшая за 62-гадовага мужа на 22 гады.
Страшная трагедыя над Бодэнскім возерам, якая адбылася ў ліпені 2002 года, шакавала многіх. Праз памылку пілотаў у вялікім небе лоб у лоб сутыкнуліся грузавы самалёт Boeing авіякампаніі DHL і пасажырскі лайнер «Башкірскія авіялініі», на якім на адпачынак у Іспанію ляцелі расійскія дзеці.
З 71 ахвяры катастрофы — 52 дзіцяці. Сярод пасажыраў рэйса знаходзілася і ўся сям'я архітэктара з Паўночнай Асеціі Віталя Калоева — жонка, 11-гадовы сын і 4-гадовая дачка.
Дванаццаць нажавых раненняў, нанесеных Калоевым швейцарцу-дыспетчару, пацягнулі на 8 гадоў турэмнага зняволення. Але ўжо ў 2007 годзе Калоева вызвалілі за добрыя паводзіны. Ён вярнуўся на радзіму.
Каментары