Віктар Лукашэнка разам з усёй сям'ёй — жонкай Ліліяй, а таксама дзецьмі Вікторыяй, Аляксандрам і Яраславам ФОТА
Памочнік прэзідэнта Беларусі па нацыянальнай бяспецы Віктар Лукашэнка з сям'ёй падчас акцыі «Нашы дзеці» наведаў дзіцячы дом сямейнага тыпу Альфрэда і Тамары Савіных у аграгарадку Заеліца, што ў Глускім раёне.
Шматдзетная сям'я выхоўвае 7 прыёмных дзяцей і яшчэ пяць уласных дачок.
Віктар Лукашэнка з жонкай і дзецьмі прывёз цацкі, сувеніры і прысмакі, прычым пастараліся ўлічыць пажаданне кожнага. «Мы часта бываем у гасцях і ўжо не першы год прымаем актыўны ўдзел у дабрачыннай акцыі «Нашы дзеці». Але, што нас асабліва ў вас ўразіла, — гэта ахопленыя шчасцем вочы дзяцей, якія сябруюць і з задавальненнем камунікуюць паміж сабой, — падзяліўся ўражаннямі Віктар Лукашэнка. — Вы ўсе па-свойму таленавітыя, а разам вы вялікая сіла, як і наша дзяржава, у якой галоўнай апорай з'яўляецца сям'я».
Па словах жонкі Віктара Ліліі Лукашэнка, іх сям'я не выпадкова выязджае кожны год у рэгіёны, бо Мінск перанасычаны рознымі навагоднімі мерапрыемствамі. «А нам хочацца, каб гэтае свята прыйшло ў кожную сям'ю і кожнае дзіця адчула гэта навагодняе шчасце. Цуды трэба дарыць дзецям абавязкова, асабліва шматдзетным сем'ям, бо не кожнае дзіця зможа назваць чужога чалавека мамай ці татам і не кожны бацька зможа перадаць цяпло і любоў іншым дзецям, як сваім. Мець сваіх дзяцей важна, але ўзяць на выхаванне чужое дзіця — гэта божы дар і талент, для гэтага трэба мець вялікае сэрца, гэта сапраўдны подзвіг», - лічыць яна.
«Новы год — асаблівае свята. Кожны хоча адчуць гэтую асаблівую навагоднюю атмасферу. Я хачу пажадаць усім дзецям упэўненасці і веры ў сябе, поспехаў ва ўсіх пачынаннях, як і не баяцца спрабаваць нешта новае і дасягаць пастаўленых мэтаў», — пажадаў сын Віктара Лукашэнка Аляксандр.
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая104
Каментары