Супрацоўнікі міліцыі абвінавацілі журналісткаў ў парушэнні заканадаўства аб СМІ і прымусілі сесці ў міліцэйскую машыну, на якой даставілі ў аддзяленне ў Бараўлянах, паведамляе БАЖ.
Затрыманне адбылося побач з мемарыялам Курапаты пад Мінскам.
Вольгу Чайчыц спынілі супрацоўнікі Дзяржаўтаінспекцыі, пасля чаго прымусілі Вольгу Чайчыц перасесці ў міліцэйскую машыну і павезлі ў Бараўлянскі РАУС. Затрыманы таксама і аператар Сяргей Краўчук.
— У Курапатах міліцыянты часта затрымліваюць журналістаў. Відавочна, улады хочуць, каб мы не асвятлялі падзеі ва ўрочышчы і каля скандальнага рэстарана «Паедзем паядзім», — расказала журналістка ў анлайн-трансляцыі, якую вяла падчас затрымання. У Курапатах перад гэтым была прэс-канферэнцыя праціўнікаў рэстарана.
У 2018 годзе Вольгу Чайчыц 14 разоў штрафавалі за нібыта парушэнне заканадаўства аб СМІ — супрацоўніцтва са спадарожнікавым тэлеканалам «Белсат» (Польшча).
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары