Першыя жыроўкі па поўным тарыфе прыйдуць незанятым у эканоміцы ў сакавіку, а не ў лютым
Урад вырашыў перанесці тэрміны зацвярджэння мясцовымі органамі ўлады спісаў працаздольных грамадзян, не занятых у эканоміцы, што аплачваюць паслугі з пакрыццём выдаткаў, і дадаткова інфармаваць грамадзян аб уключэнні іх у гэтыя спісы.
На 1 лютага камісіі па каардынацыі работы па садзейнічанні занятасці насельніцтва сфармавалі спісы не занятых у эканоміцы грамадзян, якія аплачваюць паслугу гарачага водазабеспячэння па тарыфе з поўным пакрыццём выдаткаў на яе аказанне. «Тыя, хто трапіў у спісы, будуць дадаткова праінфармаваныя пра гэта праз жыроўкі. Пры гэтым налічэнне платы за паслугу гарачага водазабеспячэння па поўным тарыфе за студзень 2019 года зроблена не будзе», — адзначылі ў Мінпрацы.
Дадзенае рашэнне дасць грамадзянам, якія трапілі ў спісы, дадатковую магчымасць пацвердзіць сваю занятасць ці цяжкую жыццёвую сітуацыю яшчэ і ў лютым 2019 года (раней меркавалася, што трапілі ў спісы ўжо ў гэтым месяцы атрымаюць жыроўкі за студзень з налічэннем аплаты гарачага водазабеспячэння па поўным тарыфе).
Калі такія грамадзяне на працягу месяца не дадуць звестак, якія пацвярджаюць занятасць альбо наяўнасць цяжкай жыццёвай сітуацыі, налічэнне платы за паслугу гарачага водазабеспячэння па тарыфе, які забяспечвае поўнае пакрыццё выдаткаў на яе аказанне, будзе выстаўлена ў паведамленні аб памеры платы за жыллёва-камунальныя паслугі за люты з улікам пераразліку за студзень 2019 года.
Цяпер чытаюць
Сталі вядомыя новыя дэталі ў маштабнай справе арганізатараў канцэртаў4
Каментары