Таварыства аховы помнікаў атрымала згоду Мінкульта на стварэнне мемарыяла праведнікам народаў свету

Беларускае добраахвотнае таварыства аховы помнікаў гісторыі і культуры атрымала згоду ад Мінкульта на працу па стварэнні мемарыяльнага знака праведнікам народаў свету.
Дадзены знак павінен ушанаваць памяць тых асобаў неяўрэйскага паходжання, жыхароў Беларусі, якія ў час Другой сусветнай вайны ратавалі яўрэяў ад Халакосту. Па дадзеных ізраільскага інстытута «Яд ва-Шэм» па стане на 1 студзеня 2013 года на Беларусі налічваецца 650 асобаў, якія маюць адпаведнае званне (па іншых звестках 711, але на афіцыйным узроўні памяць пра гэтых асобаў ушанаваная толькі ў выглядзе закладзенай алеі каля мемарыяла «Яма».
Па аўтарскай задуме Леаніда Мендэлевіча Левіна, архітэктурны праект мемарыяла «Яма» ўтрымлівае ў сабе таксама і асобную частку на якой павінны быць адзначаныя прозвішчы Праведнікаў народаў свету з Беларусі. Але па розных прычынах дадзеная задума не была выкананая і ўвасабленне сённяшняга мемарыяла няпоўнае.
Каментары