29-гадовы жыхар вёскі Прошчыцы Слуцкага раёна самавольна спілаваў дуб за 9 кіламетраў ад роднага сяла — каля вёскі Радзічава.
Вясковец хацеў нарыхтаваць дроў, але не стаў звяртацца па ордэр у Слуцкі лясгас, а нагледзеў дрэва недалёка ад суседняй вёскі.
18 студзеня ён спілаваў 150-гадовы дуб дыяметрам 71 сантыметр, вышынёй як 4-павярховы дом. Так ён нарыхтаваў сабе амаль тры кубаметры дроў.
4 лютага супрацоўнікі Салігорскай міжраённай інспекцыі аховы жывёльнага і расліннага свету знайшлі парушальніка і склалі пратакол.
Цяпер мужчына павінен кампенсаваць шкоду ў памеры 1285,2 рубля і заплаціць штраф 25,5 рубля.
Дровы засталіся ў яго, праўда, абышліся яны яму ў 255 разоў даражэй.
Цяпер чытаюць
Акадэмію КДБ будуюць проста на Залатагорскіх могілках. З зямлі дастаюць парэшткі мінчукоў, якіх тут хавалі сотні гадоў29
Каментары