Беларуска трапіла ў спіс 400 найлепшых блогераў і пазмагаецца за званне самай-самай інста-мамы
Інтэрнэт-партал mail.ru абвясціў пра старт штогадовай прэміі «Найлепшыя блогеры — 2018». Ніка Болзан стала адзінай беларускай, якая патрапіла ў топ з 400 удзельнікаў.
Прэмія прадугледжвае 15 намінацый (модны, спартыўны, б'юці-блогер). Ніка будзе змагацца за званне найлепшага бацькі-блогера.
Барацьба ў гэтай намінацыі чакаецца сур'ёзная: напрыклад, канкурэнцыю дзяўчыне складуць тэлевядучая Ірэна Панарошку, а таксама некалькі insta-татаў.

Ніка — маці дзвюх дачок (і цяпер знаходзіцца ў чаканні трэцяга малога), аўтарка інста-блога «Сучаснае мацярынства», трэнерка. На сваёй старонцы яна не толькі распавядае пра дзяцей і дзеліцца парадамі (ад прышчэпак да агляду дзіцячых кніг і псіхалогіі), але і шмат часу надае пытанням жаночага здароўя, цяжарнасці, родаў і самых інтымных пытанняў адносін з мужам.

Галасаванне працягнецца да 24 лютага, так што ёсць час дапамагчы беларусцы перамагчы! Свой голас за яе можна аддаць тут.
-
Кажуць, Польшча дабілася найбольшага прагрэсу ў свеце па бяспецы для ЛГБТ-падарожнікаў. А дзе ў рэйтынгу Беларусь?
-
Растварыць і змыць у каналізацыю: у свеце набірае папулярнасць тэхналогія «воднай крэмацыі» памерлых
-
На Чыгірынскім вадасховішчы рыбакі замест рыбы дасталі з вады тое, чаго зусім не чакалі
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі
Каментары