Для памяншэння ценявой эканомікі Міністэрства фінансаў Латвіі прапануе значна абмежаваць аперацыі з гатоўкай, а ў некаторых сферах наогул яе забараніць. Пра гэта паведамляе партал Delfi.
Як распавёў прадстаўнік Мінфіна Латвіі Алексіс Яроцкіс, у 2018 годзе ў абмежаванні ценявой эканомікі больш актыўна бралі ўдзел партнёры з прыватнага сектара, напрыклад, будаўнічыя кампаніі, прадпрыемствы грамадскага харчавання. У выніку сумеснай працы пададзены канкрэтныя прапановы.
У 2019 годзе ў Латвіі плануецца ўводзіць сістэмы электроннага ўліку працоўнага часу ў будаўніцтве, працягнуць мерапрыемствы па выкараненні ценявой эканомікі ў будаўніцтве, ахоўных фірмах, у грамадскім харчаванні і гасцінічным бізнэсе.
Парог выкарыстання наяўных для падаткаплацельшчыкаў, якія вядуць гаспадарчую дзейнасць, і прыватных асоб, якія не вядуць гаспадарчай дзейнасці, плануецца паменшыць з 7200 да 3000 еўра.
Таксама плануецца ўвесці забарону на выкарыстанне гатоўкі ў здзелках з нерухомасцю і ўстанавіць абмежаванні на выкарыстанне наяўных пры куплі транспартных сродкаў.
Цяпер чытаюць
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары