Кіроўцаў, якія падпісалі петыцыю аб праблемах грамадскага транспарту, прымушаюць адклікаць свой подпіс
Нядаўна на сайце petitions.by абвясцілі збор подпісаў пад зваротам аб небяспечнасці грамадскага транспарту ў Мінску.
Кіроўцы грамадскага транспарту і пасажыры звярталі ўвагу на праблемы працы «Мінсктранса». Аўтобусы і тралейбусы нярэдка выходзяць на лінію з няспраўнасцямі, кепска працуюць дворнікі, фары, спідометры і шмат яшчэ чаго. Заяўнікі сцвярджаюць: факты няспраўнасцяў і парушэнняў проста ігнаруюцца начальствам. Акрамя таго, сярод супрацоўнікаў аўтапаркаў правялі атэстацыю, карысці якая не дала.
Таксама ў петыцыі сказана аб праблемах з адпачынкам кіроўцаў — маўляў, нярэдка перапынкі зусім мізэрныя ці іх проста немагчыма выкарыстаць.
Акрамя гэтага ў петыцыі яшчэ шмат пунктаў: скаргі на змяншэнне заробкаў, скаргі, што відэарэгістратары ў кабінах выкарыстоўваюцца, каб пасля знайшлася прычына пазбавіць кіроўцу прэміі, скаргі на бяспеку працы…
На сёння пад петыцыяй больш за 1300 подпісаў. Падпісанты патрабуюць, каб у «Мінсктрансе» правялі дэтальную праверку.
«Мы не адмаўляемся ад працы, мы хочам працаваць на тэхнічна спраўным рухомым саставе, хочам нармальных, здаровых і бяспечных умоў працы ў адпаведнасці з заканадаўствам, якія адначасова павінны гарантаваць і бяспеку іншых грамадзян дзяржавы, пасажыраў, якіх значна больш, чым усіх нас разам узятых!» — гаворыцца ў звароце.
Але на падпісантаў петыцыі пачаўся ціск. У адным з тэлеграм-каналаў з'явілася папера з мінскага аўтапарка №4. Кіроўцам, якія падпісалі петыцыю, прапануюць адклікаць свой подпіс і пісьмова паведаміць пра гэта начальству.
Нават прапануюць варыянты, чаму подпіс работніка з’явіўся пад петыцыяй: націснуў з салідарнасці; з неасцярожнасці; подпіс паставіў за работніка хтосьці з сям’і.
Пазіцыя аўтобуснага парка пакуль невядомая. «Наша Ніва» звярнулася ў адміністрацыю парка, але там паведамілі, што ў начальства ўжо скончыўся працоўны дзень.
-
Дзядок — апазіцыянерам: Займаючыся дыскрэдытацыяй Офіса Ціханоўскай, вы льяце ваду на млын рэжыму
-
«Марзалюк — гэта наш зубр». Як праўладны гісторык нечакана стаў трэндам для зумераў у тыктоку
-
«Шатл-бас спачатку спыніўся, а потым пачаў павольна каціцца назад». Беларус, які стаў відавочцам аварыі ў Тайландзе, расказаў падрабязнасці
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары