Думаў, што тэлефон. Жыхар Маладзечанскага раёна скраў тэрмінал з крамы
У адным з прадуктовых магазінаў Маладзечна работнікі выявілі прапажу тэрмінала. На месца здарэння прыехала следча-аператыўная група.
Пасля вывучэння запісаў з камер відэаназірання высветлілі, што каля гадзіны дня адзін з пакупнікоў, знайшоўшы прыладу ў калясцы з акцыйным таварам, таемна выкраў яе.
Пасля чаго расплаціўся за прадукты харчавання на касе і знік. Прылада прызначана для чытання штрых-кодаў і знешне нагадвае мабільны тэлефон альбо калькулятар. Матэрыяльны ўрон адміністрацыя крамы ацаніла ў 787 рублёў.
Інфармацыю пра пошук мужчыны ў інтэрнэце прачытала жыхарка Маладзечна. На фотаздымках яна пазнала свайго бацьку.
Пасля размовы з дачкой мужчына з'явіўся ў РАУС. 64-гадовы пенсіянер, жыхар вёскі Раёўка Маладзечанскага раёна, падумаў, што гэта быў мабільны тэлефон, які забыліся наведвальнікі крамы.
У сваё апраўданне мужчына заявіў, што ўзяў прыладу і чакаў званка, каб паведаміць пра сваю знаходку і вярнуць уладальніку.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары