У Чэрыкаве двое мясцовых жыхароў — родныя браты — забілі настаўніцу, забралі яе камп'ютар і, каб схаваць сляды злачынства, падпалілі яе дом, паведамляе мясцовае УУС.
У прыватным доме 10 красавіка ратавальнікі падчас тушэння пажару выявілі цела 47-гадовай гаспадыні. На трупе былі шматлікія нажавыя раненні. Міліцыянеры па гарачых слядах высветлілі асобы падазраваных у забойстве: імі аказаліся двое раней судзімых братоў, 19 і 21 год, якія напярэдадні пасварыліся з настаўніцай. З хаты жанчыны прапаў камп'ютар, які пазней знайшлі ў падазраваных.
Распачалі крымінальную справу па ч. 2 арт. 139 КК (забойства). Следчыя высвятляюць матывы і абставіны ўчыненага злачынства.
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары