Такую думку выказаў былы суддзя і старшыня Канстытуцыйнага суда, былы Генеральны пракурор Рэспублікі Беларусь Рыгор Васілевіч на круглым стале, які праводзіў Выдавецкі дом «Звязда», перадаюць «Мінск-навіны».
— Я прааналізаваў тэкст і прыйшоў да высновы, што прапарцыйная ці змяшаная выбарчыя сістэмы цалкам могуць быць і на аснове дзейнай Канстытуцыі, — адзначыў Рыгор Васілевіч. — Ці прапаноўваў ужо зараз правесці выбары ў абласныя Саветы па змяшанай сістэме. У нас не практыкуецца прыняцце нарматыўна-прававых актаў у выглядзе эксперыменту, але чаму не паспрабаваць на абласным узроўні?
На думку Рыгора Васілевіча, патэнцыял цяпер дзейнай рэдакцыі Асноўнага Закона сёння далёка не вычарпаны:
— Карэктывы могуць быць. Але ўжо зараз парламент можа больш актыўна рэалізоўваць кантрольныя паўнамоцтвы, прапісаныя ў Канстытуцыі. Магчымыя пераразмеркаванне ўладных паўнамоцтваў, надзяленне парламента дадатковымі правамі. Але і тая сістэма, якая прадугледжана цяперашняй Канстытуцыяй, прадугледжвае ўзаемадзеянне уладаў. Па сутнасці, дзейная рэдакцыя Асноўнага Закона прадугледжвае моцныя парламент і кіраўніка дзяржавы.
На думку прафесара Васілевіча, трэба больш актыўна праводзіць мясцовыя рэферэндумы — хай народ вучыцца адказваць за прынятыя рашэнні.
Побач з Лукашэнкам на хакеі з'явілася новая прыгажуня10
Каментары