Takuju dumku vykazaŭ były sudździa i staršynia Kanstytucyjnaha suda, były Hienieralny prakuror Respubliki Biełaruś Ryhor Vasilevič na kruhłym stale, jaki pravodziŭ Vydaviecki dom «Źviazda», pieradajuć «Minsk-naviny».
— Ja praanalizavaŭ tekst i pryjšoŭ da vysnovy, što praparcyjnaja ci źmiašanaja vybarčyja sistemy całkam mohuć być i na asnovie dziejnaj Kanstytucyi, — adznačyŭ Ryhor Vasilevič. — Ci prapanoŭvaŭ užo zaraz pravieści vybary ŭ abłasnyja Saviety pa źmiašanaj sistemie. U nas nie praktykujecca pryniaćcie narmatyŭna-pravavych aktaŭ u vyhladzie ekśpierymientu, ale čamu nie pasprabavać na abłasnym uzroŭni?
Na dumku Ryhora Vasileviča, patencyjał ciapier dziejnaj redakcyi Asnoŭnaha Zakona siońnia daloka nie vyčarpany:
— Karektyvy mohuć być. Ale ŭžo zaraz parłamient moža bolš aktyŭna realizoŭvać kantrolnyja paŭnamoctvy, prapisanyja ŭ Kanstytucyi. Mahčymyja pieraraźmierkavańnie ŭładnych paŭnamoctvaŭ, nadzialeńnie parłamienta dadatkovymi pravami. Ale i taja sistema, jakaja praduhledžana ciapierašniaj Kanstytucyjaj, praduhledžvaje ŭzajemadziejańnie uładaŭ. Pa sutnaści, dziejnaja redakcyja Asnoŭnaha Zakona praduhledžvaje mocnyja parłamient i kiraŭnika dziaržavy.
Na dumku prafiesara Vasileviča, treba bolš aktyŭna pravodzić miascovyja refierendumy — chaj narod vučycca adkazvać za pryniatyja rašeńni.
Pobač z Łukašenkam na chakiei źjaviłasia novaja pryhažunia10
Kamientary