Прэзідэнт Украіны Пятро Парашэнка ўвёў у дзеянне рашэнне Рады нацыянальнай бяспекі і абароны, якое прадугледжвае ў бюджэтнай дэкларацыі на 2020-2022 гады закласці выдаткі на нацыянальную бяспеку і абарону не менш за 5% ад запланаванага аб'ёму ВУП, піша Українська правда.
Для параўнання, Беларусь выдаткоўвае на гэтыя мэты каля 2,3% свайго ВУП.
Міністэрства фінансаў павінна прадугледзець выдаткі на забеспячэнне нацыянальнай бяспекі і абароны ў 2020-2022 гадах у аб'ёме не менш за 5% ад запланаванага аб'ёму ВУП з улікам прагнознага індэкса інфляцыі на адпаведны год.
Кабінет міністраў, згодна з рашэннем Рады нацыянальнай бяспекі і абароны, павінен прыняць у 2020-2022 гадах меры па забеспячэнні належнага фінансавання сектара бяспекі і абароны па некалькіх напрамках.
У прыватнасці, забяспечыць фінансаванне развіцця сектара бяспекі і абароны ў адпаведнасці са стандартамі НАТА і ЕС; стварэнне аб'яднанай сістэмы лагістыкі і ўдасканалення сістэмы медыцынскага забеспячэння войскаў; падтрыманне існуючых магчымасцяў, а таксама павышэнне магчымасцяў Узброеных Сіл Украіны; развіццё ўзбраення, ваеннай і спецыяльнай тэхнікі і г.д..
Каментары