У Лагойску затрымалі Дзяніса Урбановіча і яшчэ чацвярых маладафронтаўцаў
Дзяніс Урбановіч. Фота Волі Афіцэравай
У Лагойску 27 красавіка былі затрыманыя старшыня Маладога Фронту Дзяніс Урбановіч, а таксама Віталь Трыгубаў, Іван Мірончык, Іларыён Трусаў, Арцём Кляпец.
Пра гэта паведаміў Павел Севярынец на сваёй старонцы ў Facebook. Затрыманне праводзілі міліцыянты ў цывільнай вопратцы.
Паводле папярэдняй інфармацыі, у Лагойску маладафронтаўцы збіралі подпісы за высылку пасла Расіі Міхаіла Бабіча.
Як напісаў пазней Севярынец, Віталя Трыгубава і Арцёма Кляпца выпусцілі з пратаколамі, артыкул 23.34 КоАП (парушэнне парадку арганізацыі або правядзення масавых мерапрыемстваў).
Увечары адпусцілі і астатніх. Пра гэта актывісты паведамілі ў фэйсбуку.
Каментары