Камандзір паветранага судна авіякампаніі China Southern Airlines паспяхова пасадзіў самалёт з пабітым шклом і носам. Пра гэта паведамляе The Sun.
Інцыдэнт адбыўся з найбуйнейшым лайнерам у свеце Airbus A380-800, які ляцеў з Гуанчжоу ў Пекін. Пры падлёце да месца прызначэння самалёт увайшоў у зону дрэнных умоваў надвор'я і граду, у выніку чаго атрымаў сур'ёзныя пашкоджанні.
На здымках, якія з'явіліся ў сетцы, відаць раскрышанае лабавое шкло і моцна пашкоджаную насавую частку лайнера. Пасажыры параўналі турбулентнасць падчас гэтай пасадкі з амерыканскімі горкамі.
Тым не менш пілоту Хе Сянхану, які мае больш за 15 тысяч гадзін налёту, удалося паспяхова пасадзіць самалёт у аэрапорце Пекіна.
Адзначаецца, што ў гэты дзень аэрапорт адмяніў 25% рэйсаў з-за дрэнных метэаўмоў.
Цяпер чытаюць
Жонку аднаго з галоўных турэмшчыкаў Беларусі пасадзілі ў калонію за ўдзел у пратэстах5
Каментары