ЗША не падтрымалі ініцыятывы Зяленскага па сустрэчы лідараў шасці краін у Мінску
Злучаныя Штаты не падтрымліваюць ідэі, якія прадугледжваюць змяненне фарматаў міжнародных перамоў па сітуацыі ва Украіне. Пра гэта паведаміла ў пятніцу карэспандэнту ТАСС прадстаўніца Дзярждэпартамэнта ЗША.
«Мы цалкам падтрымліваем намаганні прэзідэнта Зяленскага, накіраваныя на тое, каб ажывіць імплементацыю «Мінска»», — запэўніла прадстаўніца знешнепалітычнага ведамства ЗША. На яе думку, «Украіна выконвае свае абавязацельствы ў рамках «Мінска» максімальна магчымым чынам». «Расіі неабходна рабіць тое ж самае», — лічыць амерыканскі дыпламат. «Аднак, — падкрэсліла яна, — змена існуючых перамоўных фарматаў не ліквідуе сапраўдную перашкоду прагрэсу ў імплементацыі «Мінска». Гэтай перашкодай з'яўляецца «адсутнасць у Расіі палітычнай волі», адзначыла супрацоўніца Дзярждэпартамента ЗША.
Зяленскі 8 ліпеня на старонцы Facebook звярнуўся да Пуціна з прапановай сустрэцца ў Мінску пры пасярэдніцтве ЗША, Вялікабрытаніі, Германіі і Францыі. Паводле яго слоў, «трэба абмеркаваць, чый Крым і каго там няма на Данбасе». Як выказаўся Зяленскі, «кампанію для размовы» ён прапануе ў асобе прэзідэнта ЗША Дональда Трампа, прэм'ер-міністра Вялікабрытаніі Тэрэзы Мэй, канцлера Германіі Ангелы Меркель і прэзідэнта Францыі Эманюэля Макрона.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары