Twitter хоча забараніць рэкламу дзяржаўных СМІ — у Расіі захваляваліся
Сацыяльная сетка Twitter вырашыла адмовіцца ад рэкламы дзяржаўных сродкаў масавай інфармацыі. Пра гэта паведамляецца ў заяве кампаніі.
«У далейшым мы не будзем прымаць рэкламы ад кантраляваных дзяржавай СМІ», — гаворыцца ў паведамленні. Адзначаецца, што акаўнты выданняў змогуць працягваць выкарыстоўваць Twitter для ўдзелу ў публічных абмеркаваннях.
Прычынай такога рашэння кампанія назвала жаданне абараніць здаровы дыскурс і адкрытую размову. Правілы не будуць распаўсюджвацца на арганізацыі, якія фінансуюцца падаткаплацельшчыкамі, у прыватнасці незалежныя грамадскія каналы.
Забарона Twitter на рэкламу дзяржаўных СМІ абмяжоўвае свабоду ў інтэрнэце і з'яўляецца паляваннем на ведзьмаў, заявіў РИА Новости дэпутат расійскага парламента ад «Адзінай Расіі» Віктар Зубараў.
«Зыходзячы з крытэрыяў, па якіх Twitter збіраецца «фільтраваць» прыналежнасць СМІ да дзяржавы, можна сказаць, што сацсетка пачынае паляванне на ведзьмаў», — лічыць Зубараў. Паводле яго слоў, падобным чынам сацыяльная сетка ўжо абыходзілася з RT і Sputnik.
«Фактычна Twitter сваімі патрабаваннямі абмяжоўвае свабоду ў інтэрнэце», — сказаў на заканчэнне Зубараў.
Каментары