Карпенка: Школьнікаў можна разгрузіць, аб'яднаўшы экзамен у школе і ЦТ
Магчымасць увядзення агульнанацыянальнага экзамену пасля заканчэння школы абмяркуюць да канца года на спецыяльнай нарадзе з удзелам Лукашэнкі. Пра гэта ў інтэрв'ю БТ распавёў міністр адукацыі Ігар Карпенка.
«Мы ў школе, дапусцім, пішам пераказ. А пры паступленні ў ВНУ здаём тэст. Па матэматыцы пішам кантрольную работу, а пры паступленні — тэст. Гэта розныя па форме экзамены. І, вядома, гэта стварае пэўныя праблемы», — адзначыў міністр. Паводле яго слоў, настаўнік сёння разрываецца паміж падрыхтоўкай школьнікаў да ЦТ і выніковым іспытам за курс агульнай сярэдняй адукацыі.
«Тут ёсць рэзерв, дзе можна было б разгрузіць школьнікаў. Можа быць, сумясціўшы экзамен у школе і цэнтралізаванае тэсціраванне. Мы яго ўмоўна называем «агульнанацыянальны экзамен»», — сказаў Ігар Карпенка.
У загінулай у Сляпянцы дзяўчыне апазналі Яну Кастранкову2
Каментары