У суботу, 7 верасня, паміж Украінай і Расіяй пачаўся абмен вязнямі.
Каля 9:00 раніцы з маскоўскага СІЗА «Лефортава» ў аэрапорт Унукава адправіліся два пасажырскія аўтобусы. Мяркуецца, што ў аўтобусах знаходзяцца ўкраінскія зняволеныя.
З московського СІЗО “Лефортово” виїхали два автобуси у супроводі поліцейського кортежу, передає наша журналістка з місця подій pic.twitter.com/PgGaf6tQu5
Да офіса ўкраінскага амбудсмена Людмілы Дзянісавай з'язджаюцца сваякі палітвязняў і ваеннапалонных украінцаў. У прыватнасці, туды прыбылі дачка і сястра Алега Сянцова, сваякі Алега Панова і Аляксея Сізановіча.
На маскоўскі аэрадром Унукава прыехалі аўтобусы, якія выехалі з СІЗА Лефортава і ў якіх могуць знаходзіцца ўкраінскія палітвязні і ваеннапалонныя, перадае расійскі Інтэрфакс.
«Самалёт з ліўрэяй у выглядзе ўкраінскага сцяга прызямліўся ў аэрапорце «Унукава» і прычаліў да перона ўрадавага тэрмінала «Унукава-2». У самалёта ўключаны рухавікі», — піша выданне.
Шэраг журналістаў, якія будуць сачыць за падзеямі вакол абмену, публікуюць карту палётаў, на якой спецрэйс з Масквы зараз накіроўваецца ў Кіеў.
Автобуси, які виїхали з СІЗО Москви, заїхали в аеропорт "Внуково-2". Про це повідомляє наша кореспондентка pic.twitter.com/6gvSC6hZ6K
Каментары