Лукашэнка прапанаваў правесці сустрэчу Зяленскага і Пуціна на саміце СНД
Аляксандр Лукашэнка прапанаваў правесці сустрэчу расейскага лідара Уладзіміра Пуціна з яго украінскім калегам Уладзімірам Зяленскім у рамках саміта СНД. Пра гэта паведамляе «РБК-Украіна».
«Што было б дрэннага, калі б цяперашні прэзідэнт Украіны, а ён разумны, нармальны чалавек, сёння прысутнічаў у нас. У яго б не было праблемы сустрэцца тут з прэзідэнтам Расіі, пра сустрэчу з якім ён шмат цяпер кажа», — лічыць беларускі кіраўнік.
Ён са шкадаваннем адзначыў, што падобная сустрэча стала немагчымай з-за рашэння былога прэзідэнта Украіны Пятра Парашэнкі выйсці са складу СНД. Лукашэнка расказаў, што заклікаў украінскага лідэра не пакідаць садружнасць, бо гэта прынясе «негатыўныя наступствы» Украіне.
Уладзімір Пуцін рэгулярна ўдзельнічае ў самітах СНД. Так афіцыйны прадстаўнік Крамля Дзмітрый Пяскоў пракаментаваў ідэю аб магчымай сустрэчы расійскага і ўкраінскага прэзідэнтаў на саміце, вылучаную Лукашэнкам.
Учора Зяленскі заявіў, што не ведае, ці магчымая яго сустрэча з Пуціным. Зяленскі лічыць, што «ўсё супраць» яго сустрэчы з Пуціным.
Цяпер чытаюць
З Лондана Мельнікава вылецела на Шры-Ланку, у яе быў каханак спартовага выгляду з Беларусі1
Каментары