Гродзенскія Рамэа і Джульета сышлі з дому трэці раз — і іх зноў знайшлі
Учора супрацоўнікі крымінальнага вышуку Гродзенскага РАУС выявілі непаўналетніх у лясным масіве паблізу хутара ля чыгуначнай станцыі Жытомля ў Гродзенскім раёне, паведамляе Звязда.
Інфармацыя ў праваахоўныя органы паступіла ад гаспадара закінутага дома, жыхара Гродна. Мужчына распавёў, што мясцовыя жыхары бачылі двух падлеткаў, якія маглі знаходзіцца менавіта ў яго нежылым доме.
Супрацоўнікі міліцыі абследавалі закінуты будынак. А пазней з дапамогай службовага сабакі за кіламетр ад дома непаўналетнія былі знойдзеныя ў лясным масіве. Жывымі і здаровымі падлеткі перададзены бацькам.
Гэта ўжо трэцяе знікненне маладых людзей за непрацяглы адрэзак часу. У першым выпадку яны былі знойдзеныя ў лясным масіве паблізу вёскі Магіляны, у другім — каля аграгарадка Алекшыцы Бераставіцкага раёна.
Каментары