Гурт VOLSKI прэзентаваў кліп на песню «Зіма» з альбома «Гравітацыя» (2019).
«Я ведаў папярэднія работы Святланы Казлоўскай, але кліп на гэтую песню стаўся для мяне нечаканасцю. Яна стварыла вельмі канкрэтныя й дакладныя вобразы. Тое, што адлюстравана ў кліпе +- як ні дзіўна, нашае звыклае тло для жыцця, тое, што мы навучыліся старанна не заўважаць. Гэта сапраўдная зіма ў «краіне светлага заўтра», зіма, якая расцягнулася на дзесяцігоддзі».
Сама рэжысёр кажа пра кліп так:
«Знаёмая горыч зімы ў краіне, дзе вясна не надыходзіць ужо дваццаць пяць гадоў. Усё менш дзейнічаем, менш гаворым, менш спрачаемся - страшна губляць рэшту цяпла ды розуму. Засвоілі, што Дзед Мароз ня сыдзе, «вы самі ўсё разумееце», ды паслухмяна водзім карагоды. Але гадуюцца дзеці, пачынаюць спадзявацца - выштурхнуцца за мяжу, не пашкодзіцца, не прасякнуцца, не глядзець у вочы бяздомным людзям ды сабакам, не люстраваць нашую прыгнечанасць, сорам і крыўду. Самі таксама - бокам, хутчэй да батарэяў, слухаць Вольскага ды прыгадваць Вівальдзі пра іншыя часы году. Неяк дазімуем».
Ужо заўтра гурт VOLSKI стартуе з туравай праграмай па беларускіх гарадах. Распачнецца ён канцэртам у Магілёве (2.11).
-
Спявачка Лера Яскевіч падзялілася болем: «Магчыма, я не змагу выпускаць песні пад сваім імем». Што здарылася?
-
Ці будзе гурт «Пятля прыхільнасці» працягваць выступаць з новым вакалістам, без Іллі Чарапко?
-
«Усе песні выдаленыя». Папулярная блогерка Анджыліша пасварылася з кампаніяй, звязанай з нявесткай Лукашэнкі
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары