У Шклове рэцыдывіст уцёк з «хіміі» і напаў на міліцыянера. Спынілі яго толькі кулі
Учора каля 17.00 у шклоўскую міліцыю патэлефанаваў мужчына і паведаміў, што сусед спрабуе парэзаць сваю жонку. Праваахоўнікі высветлілі, што крыўдзіцелем 21-гадовай пацярпелай з'яўляецца яе 30-гадовы муж. Аказалася, ён самавольна пакінуў «хімію», дзе адбываў пакаранне за катаванне жонкі, паведамляе МУС.
Асуджаны, калі прыехаў дадому, пачаў збіваць жонку, аднак той ўдалося вырвацца і збегчы да суседзяў. Ужо там крыўдзіцель параніў жанчыну прадметам, падобным да нажа. Канфлікт спыніў гаспадар дома, які і выклікаў міліцыю. Пасля гэтага злодзей збег.
У некалькіх раёнах вобласці ўводзіўся спецыяльны план «Перахоп».
Сёння каля 12.00 участковы інспектар аглядаў адно з домаўладанняў, дзе мог хавацца мужчына. Раптам той напаў на міліцыянера і паспрабаваў завалодаць яго табельнай зброяй.
Папераджальныя стрэлы ў паветра мужчына праігнараваў, пагражаючы падобным да нажа прадметам.
У выніку нападніка спынілі дзве кулі ў нагу і руку. Інспектар выклікаў медыкаў і спыніў параненаму крывацёк.
Цяпер чытаюць
Андрэй Швед, архітэктар рэпрэсій, прызначаны старшынёй Вярхоўнага суда4
Каментары