Урад Украіны спрасціў атрыманне грамадзянства для тых, хто ваяваў на Данбасе
Урад Украіны прыняў рашэнне, якое дазволіць спрасціць працэдуры атрымання грамадзянства краіны замежнікамі, якія ваявалі на Данбасе супраць сіл г.зв. ДНР і ЛНР, піша РБК
«Мы зацвердзілі механізм атрымання імі дазволу на права жыхарства ва Украіне, што з'яўляецца першым крокам для атрымання грамадзянства», — патлумачыў прынятае рашэнне на сваёй старонцы ў твітары прэм'ер-міністр Украіны Аляксей Ганчарук.
У адпаведнасці з заканадаўствам Украіны для атрымання яе грамадзянства па звычайнай працэдуры неабходна пацвердзіць факт законнага пражывання на тэрыторыі краіны на працягу пяці гадоў.
У сярэдзіне снежня кіраўнік украінскай Дзяржаўнай міграцыйнай службы (ДМС) Максім Сакалюк паведаміў, што ўлады краіны прынялі рашэнне ўзаконіць двайное грамадзянства, бо зацікаўлены ў павелічэнні насельніцтва за кошт мігрантаў.
«Змена будзе ў тым, што мы не будзем патрабаваць выхаду з іншага грамадзянства для атрымання ўкраінскага пашпарта», — растлумачыў чыноўнік.
Гэта, аднак, не закране грамадзян Расіі, якую ва Украіне называюць краінай-агрэсарам.
Каментары