Пасол Расіі: Масква і Мінск узгодняць інтэграцыю ў пачатку 2020 года
Расія і Беларусь маюць добрыя шанцы выйсці на падпісанне праграмы дзеянняў Саюзнай дзяржавы ўжо ў пачатку наступнага года. Пра гэта «Ізвестіям» распавёў пасол Расіі ў Мінску Дзмітрый Мезенцаў.
Пры гэтым пытанне аб цане на газ выведзена за дужкі перамоваў. На думку экспертаў, перанос праблематычных у двухбаковых адносінах тэм дае шанцы на поспех паглыблення інтэграцыі.
Першапачаткова дакумент пад назвай «Праграма дзеянняў Беларусі і Расіі па рэалізацыі палажэнняў дагавора аб стварэнні Саюзнай дзяржавы» кіраўнікі дзвюх краін Уладзімір Пуцін і Аляксандр Лукашэнка павінны былі падпісаць 8 снежня, а затым 20-га. Аднак абодва разы гэтага не адбылося.
Мезенцаў упэўнены, што ёсць шанцы выйсці на дамову ў пачатку 2020 года, хоць бакі спецыяльна спяшацца з гэтым не будуць.
«У нас няма неабходнасці ладзіць нейкую гонку або штучнае спаборніцтва — паспець за адзін дзень ці за адзін тыдзень. Нашмат важней не ўпусціць змястоўныя моманты і прынцыповыя інтарэсы абодвух бакоў», — указаў пасол.
Дыпламат таксама падкрэсліў, што рэалізацыя дарожных карт ідзе «пакетным прынцыпам».
Тым не менш з самага пачатку змест дарожных карт не выносілі ў публічную прастору. Гэта нараджала здагадкі, што ў адносінах дзвюх краін, магчыма, не ўсё гладка.
Цяпер чытаюць
Жалезная заслона ў дзеянні: як зменшылася колькасць перасячэнняў мяжы Беларусі і Еўрасаюза за апошнія гады7
Каментары