У Віцебску масава атруціліся вучні гімназіі. На сняданак былі запяканка і бутэр з мясам
Больш за 90 дзяцей віцебскай гімназіі №4 не прыйшлі сёння на заняткі праз недамаганне, расказалі «Нашай Ніве» бацькі.
Сярод вучняў, якія атруціліся, шмат пяцікласнікаў. У іншых класах, малодшых і старэйшых, таксама ёсць дзеці, якім сёння ўначы стала дрэнна і якія засталіся дома.
Дзеці расказваюць, што ўчора на сняданак ім давалі тварожную запяканку са смятанай, бутэрброд з варана-вэнджаным мясам і мандарыны.
Па інфармацыі «Нашай Нівы», у школу сёння не прыйшло 95 чалавек. Некаторыя з іх трапілі ў Віцебскую дзіцячую абласную клінічную бальніцу.
«Мае дзеці таксама атруціліся. Малодшы ў бальніцы, старэйшы дома — яго ванітуе, і ёсць тэмпература, — расказвае жанчына. — У школе яны елі толькі абавязковы сняданак. Малодшы з гадзіны сёмай вечара адчуў недамаганне. Круціла жывот, потым паднялася тэмпература, і пачало ванітаваць. Тэмпература не збівалася. А першай гадзіне ночы выклікалі «хуткую». Старэйшаму гадзіне а 9 вечара стала дрэнна. А ранкам паднялася тэмпература».
У школе цяпер працуе санстанцыя.
«У мяне цяпер праверкі, нічога не магу вам сказаць, мы яшчэ разбіраемся. Гэта можа нават быць не атручэнне ў школе. Усё будзе заўтра вядома, заўтра будуць вынікі аналізаў», — пракаментавала дырэктарка гімназіі №4 Віцебска Ірына Сірвуціс.
Яна сцвярджае, што ў бальніцу трапіла няшмат вучняў, установа працуе ў штатным рэжыме.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары