Стрымінгавы сэрвіс Netflix абвясціў, што паніжае якасць сваіх трансляцый у Еўропе на найбліжэйшыя 30 дзён, каб знізіць нагрузку на інтэрнэт-правайдараў, піша BBC.
Колькасць карыстальнікаў Netflix шматразова ўзрасла ў сувязі з тым, што мільёны людзей у еўрапейскіх краінах сядзяць у самаізаляцыі з-за эпідэміі каранавіруса.
Прадстаўнікі сэрвісу кажуць, што паніжэнне якасці паменшыць аб'ёмы спажыванага трафіку на 25%, пры гэтым гледачы асаблівай розніцы не заўважаць.
Тэхнічна гэта адбудзецца за кошт паніжэння якасці відэаструменя (бітрэйту). Чым вышэйшы бітрэйт, тым лепшая якасць гуку або выявы, але і большы аб'ём файла.
Пра сваё рашэнне Netflix абвясціў пасля кансультацыі з кіраўнікамі шэрагу еўрапейскіх структур.
Гэта дапаможа забяспечыць больш якасную працу інтэрнэту на ўвесь перыяд крызісу, звязанага з Covid-19.
Як паведамлялася, відэахостынг YouTube таксама заявіў аб рашэнні паступіцца якасцю выявы ў агульных інтарэсах.
У агляднай будучыні ўсе відэа на YouTube па змоўчанні будуць транслявацца ў стандартнай якасці.
Нагрузка на інтэрнэт-правайдараў ва ўсім свеце значна ўзрасла пасля таго, як многія кампаніі перайшлі на дыстанцыйную працу і людзі амаль перасталі выходзіць з дому.
«Забралі яго. Не кінеш жа, усё ж такі наш чалавек». Лукашэнка выказаўся пра Статкевіча17
«Забралі яго. Не кінеш жа, усё ж такі наш чалавек». Лукашэнка выказаўся пра Статкевіча
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары