Аляксандр Лукашэнка сёння наведаў Свята-Благавешчанскі Лядзенскі храм, які знаходзіцца на тэрыторыі мужчынскага манастыра ў гонар Благавешчання Прасвятой Багародзіцы ў вёсцы Малыя Ляды Смалявіцкага раёна. Кіраўнік дзяржавы прыехаў у царкву разам са сваім малодшым сынам Мікалаем. Коратка пагутарыўшы з прыхаджанамі, кіраўнік дзяржавы запаліў свечку і павіншаваў вернікаў са святам Вялікадня, паведамляе БелТА.
З храма кіраўнік дзяржавы павіншаваў усіх беларусаў з Вялікаднем, паводле яго слоў, самым светлым святам у жыцці. «Як бы ні было ў нашай гісторыі, ніхто не змог закрыць, прыкрыць, забараніць гэтае свята, — падкрэсліў ён. — Я заўсёды прыходзіў і буду прыходзіць у храм. Як бы ні складваліся абставіны, гэта святое. Гэта прынцып маім жыцці. Хачу, каб і вы кіраваліся самымі добрымі і светлымі прынцыпамі. і тады Ён, убачыўшы гэта, абавязкова дапаможа».
Аляксандр Лукашэнка перадаў словы падтрымкі расіянам і ўкраінцам, якія таксама змагаюцца з пандэміяй. «Яны, як і мы, перажываюць няпросты час. Можа быць, у іх сёння нават складаней, чым у нас. Хачу ад усіх беларусаў пажадаць ім здароўя.
Я хачу, каб Гасподзь пачуў і дапамог ім пераадолець гэтую бяду, часцяком створаную намі самімі. хай нашы браты жывуць у міры і згодзе», — сказаў кіраўнік.
Кіраўнік дзяржавы таксама пажадаў хутчэйшага выздараўлення палякам, літоўцам і латышам, жыхарам іншых еўрапейскіх краін, амерыканцам і грамадзянам КНР.
Цяпер чытаюць
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам6
Каментары