А палове на сёмую вечара 23 красавіка відавочца паведаміў пра пажар у трохпавярховым жылым доме ў аграгарадку Падлабенне. Падраздзяленні МНС неадкладна адправіліся на месца: з вокнаў адной з кватэр ішоў густы дым, паведамілі БелТА ў МНС.
Пры разведцы і ліквідацыі ўзгарання ў калідоры на падлозе кватэры знойдзены загінулы 52-гадовы гаспадар, а ў жылым пакоі — яго знаёмы. З суседніх кватэр выратаваны тры чалавекі, у тым ліку дзевяцігадовая дзяўчынка. Акрамя таго, па лесвіцы эвакуяваны дарослы жыхар дома і аднагадовая дзяўчынка.
Агнём пашкоджана маёмасць у згарэлым пакоі, закураны сцены, столь у кватэры і на лесвічнай клетцы. Асноўная разгляданая версія прычыны ўзгарання — неасцярожнае абыходжанне з агнём пры курэнні. Гродзенскі міжраённы аддзел СК праводзіць праверку па гэтым факце.
Цяпер чытаюць
У загінулай у Сляпянцы дзяўчыне апазналі Яну Кастранкову2
Каментары