Як распавёў раённай газеце «Навiны Палесся» галоўны доктар Столінскай ЦРБ Віктар Майсюк, па стане на 7 мая ў раёне было зарэгістравана 107 станоўчых тэстаў на COVID-19. Ёсць сярод захварэлых і медработнікі.
З пнеўманіяй на лячэнні ў цэнтральнай раённай бальніцы знаходзяцца 146 пацыентаў, два з іх — на штучнай вентыляцыі лёгкіх, адзін мае патрэбу ў кіслароднай падтрымцы.
Двух пацыентаў з пнеўманіяй і спадарожнымі хранічнымі захворваннямі выратаваць не ўдалося. Узрост абодвух — больш за 60 гадоў. У аднаго з памерлых тэст на каранавірус аказаўся станоўчым.
У сувязі з эпідэміялагічнай сітуацыяй, на базе Столінскай ЦРБ створаны інфекцыйны шпіталь, прызначаны для лячэння хворых з прыкметамі каранавіруснай інфекцыі і пнеўманіяй. Для гэтага задзейнічаны тэрапеўтычнае, хірургічнае і неўралагічнае аддзяленні — усяго 165 ложкаў. Таксама перапрафілявана і знаходзіцца ў рэжыме чакання новых пацыентаў аддзяленне траўматалогіі — яшчэ 30 ложкаў.
У Столінскім раёне — трохі больш за 70 тысяч жыхароў.
Як правіла, пнеўманія развіваецца ў прыкладна 13—20% носьбітаў COVID-19. Адпаведна, па колькасці вірусных пнеўманій можна ацаніць рэальнае распаўсюджанне эпідэміі.
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока1
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары