Дакументы на рэгістрацыю ініцыятыўных груп падалі ў другой палове дня адразу амаль 20 прадстаўнікоў «каманды Статкевіча»: пенсіянер Мінабароны Аляксандр Якушкоў з Віцебска, фельчарка з Гомеля Алена Давыдава, Рэгіна Беркус — пенсіянерка з Ліды, машыніст помпавых устаноў з Жодзіна Дзмітрый Кудравец, ІП з Ельскага раёна Аляксей Зуевіч, фермер са Жлобіншчыны Пётр Карабанаў, беспрацоўны з Оршы Аляксандр Школьнікаў, Мікалай Салянік з Гродна, Тамара Патоцкая, уладальніца аграсядзібы ў Баранавіцкім раёне, Наталля Стрэльчанка з Дуброўна і Аляксандр Абрамовіч з Барысава, Юрый Касач з Наваполацка, Сяргей Статкевіч з Рэчыцы, Віктар Шорац з Маладзечна, Уладзімір Неўмяржыцкі з Мазыра, Уладзімір Кійко з Віцебска і сам Мікола Статкевіч.
Ва ўсіх іх кіраўнік ініцыятыўнай групы Мікола Статкевіч (у яго самога жонка — Марына Адамовіч). Раней ад яго групы падаліся восем чалавек — г.зн., усяго пададзена амаль 25 заявак. Статкевіч анансаваў, што агулам павінны падацца 20-30 кандыдатаў пратэсту.
Усяго — з Лукашэнкам і Гайдукевічам — пададзена 34 заяўкі.
Рэгістрацыя ініцыятыўных груп скончыцца ў пятніцу. Потым ЦВК цягам пяці дзён вырашае, рэгістраваць іх ці не.
На мінулых выбарах, у 2015 годзе, выказалі намер балатавацца два з паловай дзясяткі чалавек, але ЦВК зарэгістраваў толькі восем груп, да фіналу дайшлі чатыры чалавекі.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3838
Каментары